Turk Kengashi va BMTning Janub-Janub Hamkorligi bo‘yicha Boshqarmasi (UNOSSC) tomonidan tayyorlangan “Janub-Janub Hamkorligida Amaliyot: Turk Kengashi Janub-Janub Hamkorligini Mintaqaviy va Global Taraqqiyotga Qanday Foydalanmoqda” nomli qo‘shma hisobotning taqdimot marosimi 2017-yil 25-sentabr kuni Nyu-Yorkda BMT Bosh Assambleyasining 72-sessiyasi doirasida bo‘lib o‘tdi.
Taqdimot marosimi Turk Kengashi Bosh kotibi Elchi Ramil Hasanov hamda BMT Bosh kotibining Janub-Janub Hamkorligi bo‘yicha vakili va UNOSSC direktori Xorxe Chediekning ochilish nutqlari bilan boshlandi va BMT Bosh kotibining yordamchisi hamda BMT Taraqqiyot Dasturi (UNDP) yordamchi rahbari Jihan Sultano‘g‘luning yakuniy so‘zlari bilan nihoyasiga yetdi.
Tadbirda Turk Kengashiga a’zo davlatlarning BMTdagi Doimiy vakolatxonalari, boshqa missiyalar vakillari hamda BMT tizimidagi tashkilotlar rasmiylari ishtirok etdi. BMT Sivilizatsiyalar Alyansi Oliy vakili Nassir Abdulaziz al-Nosir ham tadbirda qatnashdi.
Ushbu qo‘shma hisobot quyida taqdim etilgan.
