TDT va BMTning Sanoatni Rivojlantirish Tashkiloti (YUNIDO) toza energiya, innovatsiya, agro-ishlab chiqarish va xususiy sektor o‘sishini qo‘llab-quvvatlash orqali barqaror rivojlanishni ilgari surish bo‘yicha kuchlarni birlashtirdi.
Hamkorlikning yo‘lga qo‘yilishi
2024-yil 25-noyabr: Turk davlatlari tashkiloti (TDT) Bosh kotibi Janobi Oliylari Elchi Kubanychbek Omuraliev va BMT Sanoatni Rivojlantirish Tashkiloti (YUNIDO) Bosh direktori Janob Gerd Müller inklyuziv va barqaror sanoat rivojlanishini ilgari surish borasida hamkorlikni mustahkamlash uchun Qo‘shma Bayonot imzoladilar. Asosiy yo‘nalishlar quyidagilardan iborat:
• Energiya samaradorligi, qayta tiklanuvchi energiya va barqaror ekologik boshqaruv;
• Raqamli rivojlanish va innovatsiyalar;
• Agrobiznes va agro-qiymat zanjiri rivoji;
• Xususiy sektorga ko‘mak va investitsiyalarni jalb etish;
• Salohiyatni rivojlantirish va sanoat siyosatiga maslahat berish.
Asosiy yo‘nalishlar va kelgusidagi hamkorliklar
Ikkala tashkilot o‘rtasidagi kelgusi hamkorlik uchun belgilangan ustuvor yo‘nalishlar quyidagilardir:
• Qayta tiklanuvchi va “yashil” energiya manbalarini rivojlantirish, shuningdek, energiyani tejovchi choralarni targ‘ib qilish orqali toza energiya va energiya samaradorligini mustahkamlash;
• Resurslardan samarali foydalanish, toza ishlab chiqarish, chiqindilar va suvni boshqarish orqali atrof-muhitni muhofaza qilish va barqarorlikni ta'minlash;
• Raqamli transformatsiya va ilg‘or texnologiyalarni joriy etish orqali iqtisodiy raqobatbardoshlik va unumdorlikni oshirish;
• Mintaqaviy agro-sanoat qiymat zanjirlarini va qishloq hududlarini rivojlantirish orqali oziq-ovqat xavfsizligini va agrobiznesni mustahkamlash;
• Kichik va o‘rta biznesni rivojlantirish va investitsiyalarni jalb qilish uchun qulay muhit yaratish orqali Turk mintaqasidagi xususiy sektorga ko‘maklashish;
• Milliy va mintaqaviy sifat infratuzilmasini yaxshilash orqali savdo raqobatbardoshligini, aqlli ishlab chiqarishni, ichki mintaqaviy aloqadorlikni va global qiymat zanjirlariga integratsiyani kuchaytirish;
• O‘zaro manfaatli yo‘nalishlarda siyosiy maslahatlar berish, institutsional salohiyatni oshirish va tartibga soluvchi huquqiy asoslarni ishlab chiqish uchun tadqiqotlar o‘tkazish.
