Türk Akademiyası 2012-ci ildə Azərbaycan, Qazaxıstan, Qırğızıstan və Türkiyə tərəfindən Türk Dövlətləri Təşkilatının himayəsi altında beynəlxalq təşkilat kimi təsis edilmişdir.

Türk Akademiyası Türk xalqlarının dili, ədəbiyyatı, mədəniyyəti, tarixi üzrə elmi tədqiqatları əlaqələndirmək və Türk sivilizasiyasının insan sivilizasiyasına töhfəsini yerli mənbələr əsasında qiymətləndirmək məqsədilə təsis edilmişdir. Astanada yerləşən Türk Akademiyasına üzv dövlətlərin təhsil nazirlərindən, həmçinin Akademiyanın Prezidenti və Vitse-Prezidentlərindən ibarət Elmi Şura rəhbərlik edir. Akademiyanın İcra Orqanının funksiyalarını hazırkı Prezident Şahin Mustafayev icra edir. Macarıstan 3 sentyabr 2018-ci il tarixində Çolpon-Ata’da keçirilən TDT-nin 6-cı Sammitində Türk Akademiyasında müşahidəçi statusu almışdır.

Akademiyanın əsas missiyası Türk tarixi, etnoqrafiyası, dilləri və s. üzrə elmi tədqiqatlara rəhbərlik etmək, həmçinin üzv dövlətlərdəki təhsil müəssisələrində istifadə üçün Türk dünyası üzrə ümumi dərsliklər/tədris materialları hazırlamaqdır.

Akademiya Türk Dövlətlərinin ümumi tarixini, mədəniyyətini və irsini təşviq etmək üçün ümumi ədəbiyyat, coğrafiya, tarix dərslikləri üzərində işləyərək 90-dan çox nəşr buraxmış, həmçinin Türk Barometri adlanan sosial tədqiqat layihəsini həyata keçirmişdir. Türk Akademiyası Monqolustanda Türk dövrü ilə əlaqəli qədim artefaktların kəşfinə səbəb olan mühüm arxeoloji tədqiqatlar və qazıntılar aparır.

Əlavə məlumat üçün Akademiyanın rəsmi veb-saytına baxa bilərsiniz: https://turkicacademy.org/en