Layihələr

Atalarımız tarixdə böyük sivilizasiyaların baniləri olmuş və bizə zəngin mədəni və elmi irs qoymuşdur. Türk alimləri və mütəfəkkirləri riyaziyyat, fizika, astronomiya və coğrafiya da daxil olmaqla dünya elminə böyük töhfələr vermişdir. Xəritəçəkmə də istisna deyil, o, Türk Dünyasında yaranmış və inkişaf etmişdir.

XI əsrdə böyük atamız, ensiklopedist alim Mahmud Kaşqari özünün “Divan Lügat ət-Türk” əsərində türk xalqlarının tarixi, həyat tərzi və mədəniyyəti haqqında dəyərli məlumatlar verərək, dünyanın ilk qədim xəritələrindən birini çəkmiş və onu kitabına əlavə etmişdir.

Daha bir dünya şöhrətli türk alimi və xəritəçəkmə mütəxəssisi – Osmanlı İmperiyası dövründə XVI əsrdə yaşamış Piri Reis. Onun xəritəsi Cənubi və Şimali Amerikanın sahil xətlərini kifayət qədər dəqiqliklə təsvir edən ilk məlum xəritələrdən biridir.Bu sahədə əməkdaşlığı davam etdirmək və inkişaf etdirmək TDT-nin prioritet istiqamətlərindən biridir.

Mexanizmlər

Türk tərəfinin təşəbbüsü ilə 2024-cü il aprelin 30-da Türk Dövlətləri Xəritəçəkmə üzrə İşçi Qrupunun ilk iclası videokonfrans vasitəsilə keçirildi və bütün tərəflər bu sahədə əməkdaşlıq platformasının yaradılmasını alqışladı.

TDT Xəritəçəkmə Qurumları Rəhbərlərinin 1-ci iclası 2024-cü il sentyabrın 30-u – oktyabrın 1-də Ankarada keçirildi və TDT çərçivəsində daha bir yeni əməkdaşlıq mexanizmi – Türk Dövlətləri Xəritəçəkmə Qurumları arasında əməkdaşlıq platforması yaradıldı.