Түркі мемлекеттері ұйымы және спортты қорғау мақсатында халықаралық саясатты, стратегиялық реформаларды және шешімдерді жетілдіруге ұмтылатын коммерциялық емес ұйым – ХСҚО (Халықаралық Спорт Қауіпсіздік Орталығы) 2015 жылғы тамызда Ыстанбұлда өзара түсіністік туралы меморандумға қол қойды.

ХСҚО және оның жастарға бағытталған Save the Dream бағдарламасы Екінші Дүниежүзілік Көшпенділер Ойындарына қатысты және ойындардың жарнамалық фильмін дайындады. Фильм ірі спорттық платформаларда, әлеуметтік желілерде және теледидар арналарында көрсетіліп, беделді журналдарда жарияланған мақалалармен бірге біздің мәдениетіміз бен дәстүрлерімізді әлемге танытуда маңызды рөл атқарды. Сол сияқты, ТМҰ және ХСҚО 2016 жылғы қазан айында Ыстанбұлда өткен «Жастардың зорлық-зомбылық экстремизмінің алдын алу және оған қарсы күрестегі рөлі» атты халықаралық конференция аясында «Спорт - зорлық-зомбылық экстремизмінің алдын алу құралы ретінде» тақырыбында панель ұйымдастырды.

Сонымен қатар, ТМҰ 2016 жылғы сәуірде спорттың тазалығы мен адалдығын қорғауды мақсат еткен жаһандық бастама – Sports Integrity Global Alliance (SIGA) құрамына құрылтайшы мүше ретінде қосылды. Түркі кеңесінің Бас хатшысы 2018 жылы өткен 8-ші SIGA Бас ассамблеясында SIGA Кеңесінің төраға орынбасары болып сайланды. SIGA Кеңесінің төрағасы – халықаралық деңгейде танылған саясаткер, Италияның Сыртқы істер министрі және Еуропалық комиссия төрағасының орынбасары қызметін атқарған Франко Фраттини болып табылады.

Бас хатшы ХСҚО ұйымының Дохадағы штаб-пәтеріне екі ресми сапар жасап, екі ұйым арасындағы ынтымақтастықтың болашақ бағытын талқылап, сондай-ақ Катардың премьер-министрі, мәдениет және спорт министрі, Сауда және өнеркәсіп палатасы төрағасының орынбасары сияқты беделді тұлғалармен кездесті.