Türk İnvestisiya Fondu (TİF), Türk Dövlətləri arasında ilk birgə maliyyə institutu olaraq, 16 mart 2023-cü ildə Ankarada keçirilən TDT-nin Fövqəladə Sammitində imzalanmış sazişlə təsis edilmişdir.

Fond TDT üzv dövlətlərinin iqtisadi potensialını səfərbər edərək, ticarət və investisiya əməkdaşlığını gücləndirir və regional inkişafı təmin edən birgə layihələri dəstəkləyir.

Ümumi səlahiyyətli kapitalı 600 milyon ABŞ dolları olan Türk İnvestisiya Fondu, Türk dövlətləri tərəfindən təsis edilmiş ilk və əsas birgə maliyyə institutudur və Türk Dövlətləri Təşkilatının üzv dövlətlərinin iqtisadi potensialını səfərbər edərək, onların arasında ticarət və iqtisadi əməkdaşlığı gücləndirmək və birgə layihələri həyata keçirmək məqsədi daşıyır. Türk İnvestisiya Fondu hazırda altı üzv dövlət və iki müşahidəçi dövlətdən ibarətdir. Üzv dövlətlər Azərbaycan, Macarıstan, Qazaxıstan, Qırğız Respublikası, Türkiyə və Özbəkistandır.

Gələcək illərdə kapitalı əhəmiyyətli dərəcədə artacaq olan Fond, kiçik və orta ölçülü biznesləri (KOB) Fondun aktivləri, eləcə də digər beynəlxalq maliyyə təşkilatlarından maliyyələşdirmə yolu ilə dəstəkləməyə böyük diqqət yetirəcək. Fondun prioritetləri sahibkarlığın, inkişafın, iş yerlərinin yaradılmasının, tədqiqat və innovasiyaların, üzv dövlətlərin qurumlarının sosial-iqtisadi inkişafının təşviqi olacaq. Fond aşağıdakı sahələri dəstəkləyəcək:

-Kənd təsərrüfatı (qida sənayesi, kənd təsərrüfatı biznesi, kənd təsərrüfatı parkları və s.),
-Loqistika və nəqliyyat,
-Enerji səmərəliliyi, bərpa olunan və alternativ enerji mənbələri,
-İstehsalla bağlı sənaye layihələri (tekstil, avtomobil, əczaçılıq və tibbi avadanlıqlar, aviasiya avadanlıqları, kimya sənayesi və s.),
-İnformasiya və kommunikasiya texnologiyaları,
-Turizm,
-İnfrastruktur inkişaf layihələri,
-Özəl kapitalın cəlb edilməsi ilə dövlət layihələrinin həyata keçirilməsi,
-İnsan inkişafı,
-Yaradıcı sənaye (rəqəmsal iqtisadiyyat, mədəni fəaliyyətlər, musiqi, kino, dizayn və s.),
-Startap layihələri və gənc sahibkarların dəstəklənməsi,
-Təbii və şəhər mühiti planları (su, tullantılar və s.).

https://www.facebook.com/turkicinvestfund https://www.linkedin.com/company/turkicinvestfund/

Ünvan:

Huzur Mahallesi Azerbaycan Caddesi No:4

Skyland Office B blok Kat: 4 No:67-72

Sarıyer, İstanbul, Türkiyə

Ofis: +90 212 800 45 00